Servi
Tiäđuh SSN:st
Suomâ säminuorah rs (SSN) lii ive 1991 Ucjuuvâst vuáđudum säminuorâi hiäđuikocceemorganisaatio.
Seervi tooimâ ulmen lii nonniđ säminuorâi sämmilâš identiteet já lasettiđ sii tiäđulâšvuođâ sämikulttuurist. Servi viggá lasettiđ säminuorâi ohtâvuođâtoollâm, pyerediđ sämikielâ sajattuv já luptiđ sämikulttuur áárvu. Seervi kuávdáš tooimah láá jieškote-uvlágán škovliittâsah, projekteh, tábáhtusah já pooliitlâš lobbim säminuoráid kyeskee aašijn. SSN tuáimá ubâ Suomâst já tehálumos čuosâttâhjuávkku láá syemmilâš säminuorah.
Seervist láá jesâneh suulân 130. SSN fáálá jieijâs jesânáid máhđulâšvuođâ uásálistiđ jieškote-uvlágán tábáhtussáid, mahte salibandy sämimiäštárvuođâkištoid, algâaalmugij maaŋgâpiälág seminaaráid já seervi ihečuákkimân. SSN tieđeet tooimâinis päikkisijđoinis, blogistis já Facebook-sijđostis. Servi ruttâd tooimâidis jeessânmávsuiguin, almolâš staatâtorjuin já jieškote-uvlágán proojeektruttâdmijguin.
Seervi alemuu meridemvääldi kiävttá viiđâ jeessân stivrâ. Saavâjođetteijee, värisaavâjođetteijee, čällee, kyehti stivrâjeessân já värijesâneh (5) väljejuvvojeh persovnvaaljâin ihečuákkimist, mii uárnejuvvoo ihásávt. Puoh jesânijn, kiäh láá máksám jeessânmáávsu, lii jienâstemvuoigâdvuotâ ihečuákkimist. Seervi toimâ lii áávus já jyehi jesânist lii máhđulâšvuotâ uásálistiđ toimáid já älgiđ iävtukkâssân ihečuákkimist persovnvaaljâin.
Stivrâ 2022
Stiivrân kuleh saavâjođetteijee, värisaavâjođetteijee, čällee já kyehti eidusii jeessân, sehe enâmustáá vittâ värijeessân. Ruttâtuállee puáhtá kuullâđ stiivrân. Stivrâ väljejuvvoo oovtâ ihán häävild ihečuákkimist. Ihečuákkimist jienâváldáliih láá jesâneh, kiäh láá máksám jeessânmáávsu.Stivrâ čokkân ucemustáá vittii ivveest. Stivrâ joođeet seervi tooimâ čuákkimij kooskâst.
