Seervi tooimâ ulmen lii nonniđ säminuorâi sämmilâš identiteet já lasettiđ sii tiäđulâšvuođâ sämikulttuurist. Servi viggá lasettiđ säminuorâi ohtâvuođâtoollâm, pyerediđ sämikielâ sajattuv já luptiđ sämikulttuur áárvu. Seervi kuávdáš tooimah láá jieškote-uvlágán škovliittâsah, projekteh, tábáhtusah já pooliitlâš lobbim säminuoráid kyeskee aašijn. SSN tuáimá ubâ Suomâst já tehálumos čuosâttâhjuávkku láá syemmilâš säminuorah.