Säminuorâ, ucâluu valjâluvâttâlmân majemustáá 31.12.2022!

Tiervâ säminuorâ!

Čuávuvááh sämitiggevaaljah láá čohčuv 2023. Tain mij tarbâšep tuu jienâ! Vaaljâin pyehtih jienâstiđ puoh majemustáá 2.10.2023 18 ihheed tiävdám sämmiliih, kiäh láá ääigild ucâlum valjâluvâttâlmân. Teevdi uuccâmluámáttuv neetist majemustáá 31.12.2022 tme 16. Tun puávtáh meiddei tevdiđ printtejum luámáttuv já vuolgâttiđ tom valjâlävdikoodán. Šleđgâlii luámáttuv kevttim kuittâg avžuuttuvvoo vuosâsaajeest.

Jis tun lah lamaš valjâtohálâš ovdebijn, ive 2019 sämitiggevaaljâin, tun jieh taarbâš ucâluđ tohon uđđâsist mut tun lasettuuh valjâluvâttâlmân automaatlávt. 

Teevdi uuccâmluámáttuv tääbbin: https://www.samediggi.fi/vaaljah-2023/pivdem-merkkiimist-ive-2023-samitige-valjaluvattalman/?lang=an

Jis tun tarbâšah ravvim teikâ lasetiäđuid luvâttâlmân ucâluumeest, tun puávtáh tiäđustiđ taid syeijejum šleđgâpoostâ peht valjâlävdikoddeest (ravvuuh láá paajaabeln orroo liiŋkâ tyehin).