Uusâ jesânin
Seervâ mieldi! Pyerrin liävus, teevdi taam luámáttuv.
Seervi eidusâš jesânin pyehtih servâđ 13-29-ihásiih säminuorah. Mii servi kulá Suomâ Sämmilij kuávdášsiärván (Suoma Sámiid guovddášsearvi), mon njuolgâdâsâi mield jeessânorganisaatioi eidusiih jesâneh kalgeh leđe sämmiliih. Mij čuávvup organisaatio miäldásii miäruštâllâm sämmilijn, mon mield sämmilâš olmooš lii taggaar, kote
- ana jieijâs sämmilâžžân JÁ
- jo-uv sun jieš, teikâ ohtâ suu vaanhimijn tâi madârvaanhimijn lii oppâm sämikielâ vuosmuš kiellân.
Eidusiih jesâneh kalgeh tibi tevdiđ paijeen orroo iävtuid já leđe 13-29-ihheed puáráseh. Jeessânucâmuš ohtâvuođâst mij čuággip jeessânmáávsu, mii máksoo ohtii já lii 20 euro stuárusâš. Jeessânvuotâ juátkoo automaatlávt ton ive räi, ko jeessân tiävdá 30 ihheed tâi sun jieš meerrid iärániđ seervist.
Eidusii jeessânvuođâ lasseen mij faallâp meiddei toorjâjeessânvuođâ. Toorjâjesânin puáhtá uuccâđ kii peri, kote haalijd uásálistiđ já tuárjuđ seervi tooimâ. Toorjâjesânijn lii mieldiorroom- já sárnumvuoigâdvuotâ seervi ihečuákkimijn. Jeessânvuođâst máksoo ohtii já máksu lii 50 eurod.
