Suoma Sámi Nuorat rs

Registtar- ja diehtosuodječilgehus

Dát lea Suoma Sámi Nuorat rs registtar- ja diehtosuodječilgehus persovdnadiehtolága (10 ja 24 §) ja EU almmolaš diehtosuodjeásahusa (GDPR) mielde. Ráhkaduvvon 13.09.2020. Maŋemuš rievdaduvvon 13.09.2020.

 

1. Registtardoalli

Suoma Sámi Nuorat rs, Pulkkatie 19 A 4, 99400 Eanodat

suomasaminuorat@gmail.com

 

2. Registara oktavuođaolmmoš

Petra Laiti
ruhtadoalli
petra.laiti@gmail.com

 

3. Registara namma

Searvvi lahttoregisttar

 

4. Vuoigatvuođavuođđu ja persovdnadieđuid gieđahallama ulbmil

EU almmolaš diehtosuodjeásahusa mielde persovdnadieđuid gieđahallama vuoigatvuođavuođđu lea – olbmo miehtan (dokumenterejuvvon, eaktodáhtolaš, spesifiserejuvvon, diđolaš ja čielggas) – Searveláhka 503/1989 Persovdnadieđuid gieđahallama ulbmil lea doalahit lahttoregistara, maid searveláhka geatnegahttá.

 

5. Registara diehtosisdoallu

Dieđut, mat vurkejuvvojit registarii searvelága gáibádusa vuođul, leat lahttu olles namma ja ruovttubáikegoddi. Lassin vurkejuvvojit lahtu riegádanjahki ja e-poastačujuhus. Riegádanjahki dárbbašuvvo, vai sáhttet sihkkarastit, ahte lahttu deavdá lahttuvuođa eavttuid. E-poastačujuhus vurkejuvvo danin, vai searvvi stivra sáhttá dárbbu mielde oažžut oktavuođa lahttui. Lahtu dieđut seailluhuvvojit dassážii, ahte lahttuvuohta nohká. Lahttuvuohta burgojuvvo automáhtalaččat searvvi jahkečoahkkimis dan jagi, go lahttu deavdá 30 jagi. Lahttu sáhttá maid ieš bivdit burgit su lahttuvuođa dahje stivra sáhttá mearridit earuhit lahtu.

 

6. Diehtogáldut njuolggadusaid mielde

Dieđut, mat vurkejuvvojit registarii, bohtet lahtu iežas almmuhusa vuođul lahttoohcamuša oktavuođas.

 

7. Dieđuid njuolggadusvuđot addimat ja dieđuid sirdin EU dahje ETA olggobeallái

Dieđut eai addojuvvo njuolggadusaid mielde eará oassebeliide.

 

8. Registara suddjema prinsihpat

Registara gieđahallamis čuvvojuvvo fuolalašvuohta ja dieđut, mat gieđahallojuvvojit diehtovuogádagaid bokte, suddjejuvvojit áššáigullevaččat. Registtardoalli atná fuola das, ahte vurkejuvvon dieđut gieđahallojuvvojit luhtolaččat ja daid gieđahallá dušše registara oktavuođaolmmoš.

 

9. Dárkkistanvuoigatvuohta ja vuoigatvuohta gáibidit divvut dieđu

Juohke olbmos, gii lea registaris, lea vuoigatvuohta dárkkistit iežas birra registarii vurkejuvvon dieđuid ja gáibidit divvut feaillalaš dieđu dahje dievasmahttit váilevaš dieđu. Juos olmmoš háliida dárkkistit sus vurkejuvvon dieđuid dahje gáibidit daid njulgema, bivdaga galgá sáddet čálalaččat registtardoallái. Registtardoalli sáhttá bivdit dárbbu mielde bivdaga jearaheaddji duođaštit persovnnalašvuođas. Registtardoalli vástida áššehassii EU diehtosuodjeásahusas mearriduvvon áiggi siste (váldoáššis mánotbaji siste).

 

10. Persovdnadieđuid gieđahallamii laktáseaddji eará vuoigatvuođat

Olbmos, gii lea registaris, lea vuoigatvuohta bivdit sihkkojuvvot eret sutnje guoski persovdnadieđuid registaris (“vuoigatvuohta vajálduhttot”). Registrerejuvvon olbmos leat EU almmolaš diehtosuodjeásahusa mielde maiddái eará vuoigatvuođat, degomat vuoigatvuohta ráddjet persovdnadieđuid gieđahallama dihto diliin. Bivdagiid galgá sáddet čálalaččat registtardoallái. Registtardoalli sáhttá bivdit dárbbu mielde bivdaga jearaheaddji duođaštit persovnnalašvuođas. Registtardoalli vástida lahttui EU diehtosuodjeásahusas mearriduvvon áiggi siste (váldoáššis mánotbaji siste).