Searvi

Dieđut SSN birra

Suoma sámenuorat rs (SSN) lea Ohcejogas jagi 1991 vuođđuduvvon sámenuoraid ovdogozihanorganisašuvdna.

Searvvi doaimma ulbmil lea nannet sámenuoraid sámi identitehta ja lasihit sin diđolašvuođa sámekultuvrras. Searvi viggá lasihit sámenuoraid oktavuođadoallama, buoridit sámegiela sajádaga ja loktet sámekultuvrra árvvu. Searvvi guovddáš doaimmat leat iešguđetlágan skuvlejumit, prošeavttat, dáhpáhusat ja politihkalaš feaskárastin sámenuoraide guoski áššiin. SSN doaibmá olles Suomas ja dan deháleamos čuozáhatjoavku leat sámenuorat, geat orrot Suomas.

Searvvis leat lahtut sullii 130. SSN fállá lahtuidasas vejolašvuođa oassálastit iešguđetlágan dáhpáhusaide, degomat sisbandy sámemeašttirgilvvuide, eamiálbmogiid máŋggabealagis semináraide ja searvvi jahkečoahkkimii. SSN dieđiha doaimmainis ruovttusiidduinis, bloggastis ja Facebook-siiddustis. Searvi ruhtada doaimmaidis lahttomávssuiguin, almmolaš stáhtadoarjagiin ja iešguđetlágan prošeaktaruhtademiiguin.

Searvvi alimus mearridanválddi geavaha vihttalahtot stivra. Sátnejođiheaddji, várresátnejođiheaddji, čálli, guokte stivrra lahtu ja várrelahtut (5) válljejuvvojit personválggaiguin jahkečoahkkimis, mii lágiduvvo jahkásaččat. Buot lahtuin, geat leat máksán lahttomávssu, lea jienastanvuoigatvuohta jahkečoahkkimis. Searvvi doaibma lea rabas ja juohke lahtus lea vejolašvuohta oassálastit doaimmaide ja álgit evttohassan jahkečoahkkimis personválggain.

Stivra 2024

Stivrii gullet sátnejođiheaddji, várresátnejođiheaddji, čálli ja guokte aitosaš lahtu ja eanemustá vihtta várrelahtu. Ruhtadoalli sáhttá gullat stivrii. Stivra válljejuvvo jahkái hávális jahkečoahkkimis. Jahkečoahkkimis ožžot jienastit lahtut, geat leat máksán lahttomávssu. Stivra čoahkkana unnimustá vihttii jagis. Stivra jođiha searvvi doaimmaid čoahkkimiid gaskkas.

Teija Kaartokallio

ságadoalli

Ture Laiti

várreságadoalli

Niila-Juhán Valkeapää

čálli

Enni Similä

lahttu

Lotta Hagelin

lahttu

Helmi Ljetoff

várrelahttu

Gáddjá Haarla Pieski

várrelahttu

Emma Krupula

várrelahttu

Aarni Pieski

várrelahttu

Máren-Elle Länsman

ráđđeaddi

Petra Laiti

ráđđeaddi

Anni-Sofia Niittyvuopio

ráđđeaddi